Titiro kau ana ngā paringa, ki ngā pātūwatawata, ki te pā o Maunga Manaia kia kite atu ngā hapū me ngā maunga tapu. Ka huri ki te Rāwhiti, ko taku aro ki te kapua, hōkaia ki runga Kauri Maunga ki Pātaua maunga ki Ōhuatahi maunga ko Te Waiariki, me Ngāti Kororā. Tahuri atu hau ki te kohu mamao ana i ngā awa e tere nei ki te moana. Whakarerea te pou o te whare kia tau iho rā ki runga Rangikōrero. Ka hoki whakauta ahau kia rere ki runga maunga Tāika, kia tau ki Ōwhiwa ki Whānui. Ka titiro whakateraki ki maunga Whakairiora ki āku huanga o Ngāti Takapari. Ka hoki whakatehauāuru ki maunga Maruata, ki maunga Pukepoto kia tau iho rā ki Kiripaka. Tēnei ka hoki ki maunga, ka tau, kua tau.