Ka tīmata tō mātou nei rohe ki ngā pā tūwatawata, pā maioro o maunga Kauri. Ko tēnei tētahi o ngā pou rohenga o Te Waiariki. Ka titiro atu ki te moana, ki te whenua, ki ngā wāhi tapu me ngā maunga tapu o Te Waiariki. Tahuri atu ki te kohu taotao ana i ngā kōhatu kei te tihi o Hikurangi, tū te ao, tū te pō.  
 
Ka huri tū ki te wai e rere ana, te wai o Taiharuru e haruru mai ana. Tangi mai, karanga mai. Ka hoki ki uta kia rere ki runga maunga Tāika, i kite ai te rahi, te nui. Ka huri whakararo ka titiro ki Ōhuatau. Ka titiro anō  ki ngā awa, ko Taiharurui, ko Pātaua, ko Horahora, ko Ngunguru. Ka peka atu ki te rāwhiti, ko te aro ki te kapua ki runga maunga Pātaua. 
 
Whakarerea te pou o te whare kia tau iho rā ki runga Whakairiora kei te whangā o Ngunguru. Ki Tutukaka ki Pukeārengarenga me Te Rehu o Tāne. Ka titiro atu ki te pou rohenga māka ki te nōta, ko to Te Ihu o Tāne. Tēnā ka hoki ki uta, ki te maunga Hikurangi.